اسلام آباد۔9جولائی (اے پی پی):اسپیکر راجی اسمبلی راجہ پرویز اشرف ءُ ڈپٹی اسپیکر زاہد اکرم درانی ءَ گوشتگ کہ مزنیں ائید ءَ مارا واجہ ابراہیم ؑ ءِ بے دروریں قربانی ءِ یات ءَ گیج ائیت آئی ءَ اللہ پاک ءِ حکم ءِ دیم ءَ جھک اتگ ءُ گوں دل ءُ جان ءَ من اتگ ، ءُ وتی زھگ ءَ را اللہ پاک ءِ کشک ءَ قربان کنگ ءِ واستہ پیش کتگ۔ آئی ءَ گوشت کہ ائید ءِ قربانی مارا یکوئی ءِ درس ءَ دنت۔ اے جوانیں موہ مارا یات ءَ گیج ائیت کہ وتی زات سیت ، کسد ءُ کینگ ءُ واھشت آناں پشت ءَ ایر کتگ ءُ وتی ھدا وند رضا ءُ آئی ءِ حکم ءَ را منگ مئے اولی پرز انت۔ اے ھیالانی درشانی آئیءَ مزنیں ائید ءِ جوانیں موہءِ درگت ءَ مسلمان ءُ ھاسیں رنگءَ پاکستانی راج ءَ را مبارک بات دیان ءَ وتی جتا جتائیں کلوہ آنی تہ ءَ کت۔ چوشکہ مزنیں ائید سرجمیں ملک ءَ نیک راھی جوزگ ءُ واھشت ءِ گوما یک شمبے ءَ برجم دارگ بیت۔
