اسلام آباد۔ 08 جولائی (اے پی پی) وزیراعظم شہباز شریف پنی آ راجی کارندہ عبدالستار ایدھی نا کزیہ دے آ اودے خراج عقیدت پیش کرینے و پارینے کہ عبدالستار ایدھی مخلوق نا خذمت ءِ کرسا اللہ رب العزت نا خوشنودی ءِ دوئی کرے، اللہ تعالیٰ انسانیت نا دا بے لوث خادم آ تینا رحمت آتے نازل کے۔ وزیراعظم آفس نا پریس ونگ انا رداٹ وزیراعظم شہباز شریف پنی آ راجی کارندہ عبدالستار ایدھی نا کزیہ غا پارے کہ عبدالستار ایدھی پاکستان نا گمر ءِ ہرا غٹ وئی انسانیت نا پرخلوص خذمت اٹ گدریفے۔ چوری، بے سیبو تا سرپرست مرسا او راج ءِ بے آسرا مننگ آن بچفے و بے سیبو تا سیبو مس، ایماندار عبدالستار ایدھی و ایماندار بلقیس ایدھی نا خذمت خلق نا مشن برجاءِ ہرااوفتے کن صدقہ جاریہ ءِ۔ اللہ تعالیٰ ایماندار ءِ جنت الفردوس اٹی بڑزکو ہند اس ایتے و اوفتا تعلقدار تے صبر و جمیل ایتے۔ آمین
