اسلام آباد۔ 08 جولائی (اے پی پی) وزیراعظم شہباز شریف نا حج کروک آ حاجی تتون اوار مچ آ امت ءِمبارکبادی تسنے و پارینے کہ اللہ تعالیٰ نا خاص عنایت آتا دامتبرک دے آ اللہ تعالیٰ آن بخشش و رحمت نا دعاکننگے۔ وزیراعظم آفس نا پریس ونگ آن جاری بیان نا رداٹ وزیراعظم شہباز شریف پارینے کہ اینو اللہ تعالیٰ نا نور و تجلی تا نزول نا خاص بابرکت ءُ دے اسے، جمعہ نادے آ حج کروک آ خوش نصیب آتے امت مسلمہ و انسانیت کن اینو خصوصی دعا کننگ نا خواست کیوہ۔ اوپارے کہ رب کریم نا حضور عالم انسانیت آ اونا رحم ، امت مسلمہ نا سیوت، شونداری و شونہالی ، دین و مرض آتیان نجات نا دعا کینہ، اللہ تعالیٰ غان مقبوضہ فلسطین و کشمیر نا آجوئی و مظلوم انسانیت نا ڈکھ و مصیبت آتیان نجات نا خواست کینہ۔ اللہ تعالیٰ اینو نادے انا برکت اٹ پاکستان ءِ وام تا مین آن کشے، ننے بحیثیت قوم زرگزرانی خودانحصاری نا مزل ءِ عطاکے، اینو نادے نن شہید آتا درجہ غاتا بڑزی و خاہوت کن صبر وجمیل نا خصوصی دعا کینہ۔
