ایبٹ آباد۔ 08 جولائی (اے پی پی) بنجائی وزیر پارلیمانی امور مرتضیٰ جاوید عباسی کورین حکومت نا کمک اٹ حویلیاں گریوٹی فلوواٹر سپلائی اسکیم کن 3 ارب 30 کروڑ روپئی نا فنڈ اس منظور کرفے، کورین حکومت ڈٹ انا کنسلٹنسی کن ٹینڈر ہم جاری کرے۔ ایبٹ آباد آن پد حویلیاں ٹی ہم گریوٹی فلو واٹر سپلائی اسکیم نا پورو مننگ آن پد حویلیاں و کیبی علاقہ غاتیٹی دیر انا ویل آخبتی بنداو تیا ایسر مریک، بنجائی وزیر مرتضیٰ جاوید عباسی اسہ پین عملی ءُ کاریم اس کرسا الس نا است ءِ کٹانے، مرکز اٹی مسلم لیگ (ن) نا حکومت بننگ آن پد مرتضیٰ جاوید عباسی ایبٹ آباد و ہزارہ کن بھلا و میگا پروجیکٹ منظور کرفنگ کن پورو وڑاٹ متحرک ءِ، کورین حکومت نا کمک اٹ 2017-18ٹی حویلیاں کن گریوٹی فلوواٹر سپلائی اسکیم نا پڑو کننگاسس ولے تدوک آ پنچ سال اٹی دااسکیم کن فنڈ منظور کرفنگ متو۔ مرتضیٰ جاوید عباسی عہدہ ءِ سنبھالنگ آن پد اِرا تُو انا گونڈ مد اٹی حویلیاں گریوٹی فلوواٹر سپلائی اسکیم کن مسہ ارب سی کروڑ نا فنڈ منظور کرفینے۔ ڈٹ کورین حکومت نا کمک اٹ پورو کننگک، کورین حکومت ڈٹ انا کنسلٹنسی کن ٹینڈر ہم جاری کرینے۔
