اسلام آباد۔ 08 جولائی (اے پی پی) پاکستان پنی آ کشمیری ورنا راہشون برہان مظفر وانی نا شہیدی نا شش می برسی آ اودے خراج عقیدت پیش کرینے و جہانی برادری آن خواست کرینے کہ او اقوام متحدہ نا سلامتی کونسل نا تعلقدار قرارداد و کشمیری الس نا است خواہی تا رداٹ جموں و کشمیر جھیڑ ہ نا انصاف اٹ وپرامن ایسری کن تینا کڑد ءِ ادا کے۔ خارجہ امور نا وزارت نا ترجمان نا جاری بیان نا رداٹ اینو پنی آ کشمیری ورنا راہشون برہان مظفر وانی نا شہیدی نا شش می برسی ءِ۔ پاکستان نا حکومت و الس کشمیری تا ناقابل تنسیخ حق خودارادیت نا دوئی کننگ نا جہد اٹی برہان وانی نا بے مٹ خذمت و قربانی تیا اونازند و میرات ءِ زبردست خراج عقیدت پیش کیک۔ بیان اٹی پاننگانے کہ کشمیر نا آجوئی نا تحریک نا اسہ دروشم اسے نا وڑآ برہان وانی ءِ خراج عقیدت پیش کرسا پاکستان اسہ وار ولدا بھارتی حکومت آ زور شاغک کہ او طاقت نا سٹی کاریم اٹ اتنگ و کشمیری خاص وڑاٹ ورناتے پدریسہ شست کننگ آن پاناد کے۔ پاکستان جہانی برادری آ ہم زور شاغک کہ او اقوام متحدہ نا سلامتی کونسل نا تعلقدار قرارداد و کشمیری الس نا است خواہی تا رداٹ جموں و کشمیر جھیڑہ نا انصاف اٹ و پرامن ایسری کن تینا کڑد ءِ ادا کے۔
