سفیر منیر اکرم اقوام متحدہ نا کمیونٹی نا پن عئید انا کلہواٹی کشمیری تا مصیبت آتے تالان کرے

اسلام آباد۔ 08 جولائی (اے پی پی) اقوام متحدہ ٹی پاکستان نا سفیر منیر اکرم اقوام متحدہ نا برادری ءِ بھلاعئید انا مبارکبادی ترسا بھارت نا کوزہ ٹی جموں و کشمیر نا مخلوق نا مشکل و مصیبت آتے چٹفنگ نا خواست کرینے۔ داوخت آ تینا اسہ کلہو اسے ٹی اوپارے کہ بھلا عئید قربانی تا تہوار ءِ ہرا ننے نیزگار، بین و ناجوڑی نا مون تروک و آفت، جھیڑہ و درملکی کوزہ غاتا گواچی مخلوق نا خیال ءِ تخنگ نا ننا زمواری تا یات ترفک۔ اوپارے کہ بھلا عئید انا وخت آ، ببو نن ہم تینتون قول کین کہ بھارت نا کوزہ ٹی جموںو کشمیر نا نرزور الس نا ظلم و ستم نا زوت آن زوت چٹفنگے۔ دا مشکل وخت اٹی نن ہر جاگہ غا بے بریبری ، نا انصافی وامتیاز ءِ چٹفنگ نا تینا عزم ءِ زندہ کین۔