اسلام آباد۔ 08 جولائی (اے پی پی) بھلا عئید انا چھٹی تیٹی قطبی علاقہ غاتیا ہنوک آ سیل و سواتی تے سفری آسراتی نا فراوانی ءِ پک کننگ کن جاڑ انگا شار تا ڈپٹی کمشنر آک مری روڈ نا چندی پوائنٹ آتا دورہ ءِ کریر و ٹریفک نا روانی نا بست وبند آتا جاچ ءِ ہلکر۔ اے سی سیکرٹریٹ اسلام آباد آن جاری بیان نا رداٹ بھلا عئید انا چھٹی تیٹی قطبی علاقہ غاتیا ہنوک آ سیل وسواتی تے سفری آسراتی تا فراوانی ءِ پک کننگ کن اسلام آباد و راولپنڈی نا ڈپٹی کمشنر آک جمعہ نادے آ مری روڈ نا چندی پوائنٹ آتا دورہ ءِ کریر و ٹریفک ناروانی نا بست وبند آتا جاچ ءِ ہلکر۔ داوخت آ اسسٹنٹ کمشنرآک، ٹریفک پولیس کمامدارآک و ایلو تعلقدار محکمہ غاتا آفیسر آک ڈپٹی کمشنر آتے ٹریفک نا ہن وبر نا بارواٹ المی حوال تسر۔ داوخت آ ڈپٹی کمشنر آک تعلقدار کمامدارآتے پارت کریر کہ عئید انا چھٹی تیٹی مسافر آتے ہرممکن آسراتی تا فراوانی ءِ پک کننگے۔
