اسلام آباد۔ 07 جولائی (اے پی پی) وزیراعظم شہباز شریف بنجائی دارالحکومت اٹی پبلک ٹرانسپورٹ نا پوسکن آ نظام نا بناءِ کرے ہرانا رداٹ اسلام آباد نا دورش والا روٹ آتیا میٹروبس سروس نا گرین و بلیو لائن بس آتے چلیفنگک، گرین لائن میٹرو بس سروس بہارہ کہوآن پمز ہسپتال اسکان 15.5کلومیٹر آ تالان ءِ و داروٹ آ 8اسٹیشن جوڑ کننگانے وخت اس کہ بلیو لائن میٹرو بس سروس کورال آن پمز ہسپتال اسکان 20 کلومیٹر نا فاصلہ طے کیک و داروٹ آ 13 مسافر اسٹیشن جوڑ کننگانے۔ اسلام آباد اٹی پوسکن آ بس سروس نا بناآن بنجائی دارالحکومت نا شاری تے سفری آسراتی دُوبریک و ہڑدے ہزار آتا کچ اٹی مخلوق داڑآن فائدہ ہرفک۔
