اسلام آباد۔7جولائی (اے پی پی):وزیر اعظم شہباز شریف ءَ گوشت کہ حکومت تھرمل رسانک ءَ چہ گران قیمتی توان ءِپیداوار ءِ سر ءَھرچ بوھوکیں گران قیمتی زر امبار آنی بچت ءِ واستہ شمسی ھاٹیگ ءِ دیمروئی ءِ واستہ جزمیگ انت۔ آئی ءَ اے ھیالانی درشانی پنچ شمبے ءِ روچ ءَ ادا چینی سفارت خانہ ءِ ناظم الامور پینگچنکسو ءِ سروکی ءَ چائنہ تھری گوجز انٹرنیشنل ، کوہالہ ہائیڈرو پاور پراجیکٹ ءُ کروٹ ہائیڈرو پاور پراجیکٹ ءِ ڈل ءَ گوں تران کنان ءَ کت۔ ایشاں مزن وزیر ءَ گوں ادا گند ءُ نند کت۔ مزن وزیر ءَ کروٹ ہائیڈرو پاور پراجیکٹ ءِ وھد ءُ موہ ءِ سر ءَ سرجمی ءُ ایشی ءَ چہ کمرشل آپریشن ل ءِ بنگیج ءَ چہ پیسر پاکستان ءَ را توان ءِ مفت ءَ پجاری ءِ پد ءَ چائنہ تھری گورجز انٹرنیشنل ءِ شگر ءُ منت واری گپت۔
