کورونا مثبت کیس آتا کچ 4.69 درسد اسکان سرمس، مچ آ ملک اٹی 24 گھنٹہ ٹی 17،150 ٹیسٹ کننگا، قومی ادارہ جان جوڑی

اسلام آباد۔ 06 جولائی (اے پی پی) مچ آ ملک اٹی 24 گھنٹہ ٹی 17 ہزار 150 کورونا ٹیسٹ کننگانے۔ چارشنبے نادے آ قومی جان جوڑی نا کنڈآن جاری حساب وکتاب نا رداٹ تدوک آ 24 گھنٹہ ٹی 17 ہزار 150 کورونا ٹیسٹ کننگانے ہرافتیان 805 بندغ آتا کورونا ٹیسٹ مثبت بسنے۔ ہندا وڑ مثبت کورونا ٹیسٹ انا کچ 4.69 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 168 ناجوڑ آتاحالیت نازرک ءِ۔