اسلام آباد۔ 06 جولائی (اے پی پی) ناروے ٹی کاریم کروک آ پاکستانی تا زررادہ کننگ اٹ مالی سال 2021-22نااولیکو11 تُو اٹی سالانہ بنداو آ 34 درسد نمو ریکارڈ کننگانے۔ اسٹیٹ بینک نا کنڈآن جاری حساب وکتاب نا رداٹ جولائی 2021ء آن مئی 2022 اسکان نا مد اٹی ناروے ٹی کاریم کروک آ پاکستانیک 134.2 ملین ڈالر زرمبادلہ ملک آ مون تسر ہرا پیوستہ مالی سال انا ہند امد انا مقابلہ ٹی 34 درسد زیات ءُ، مالی سال 2021 نا ہند امد اٹی ناروے ٹی کاریم کروک آ پاکستانیک 100.3 ملین ڈالر زرمبادلہ ملک آ گدریفیسر۔ مئی 2022 اٹی ناروے آن زررادہ کننگ نا کچ 11 ملین ڈالر ریکارڈ کننگا ہرا اپریل اٹی 16 ملین ڈالر و تدوک آ سال مئی ٹی 9.3 ملین ڈالر ئسر۔ اسٹیٹ بینک انا کنڈآن کانودی و بینکنگ ذریعہ اٹ زررادہ کننگ نا است بڈی کن گام گیج آتیٹی سمندر آن ایپار پاکستانی تا زررادہ کننگ اٹ تدوک آ مالی سال انا اولیکو 11 تُو اٹی جم وڑاٹ 6.3 درسد نمو ریکارڈ کننگا۔