کراچی۔ 05 جولائی (اے پی پی) وزیراعلیٰ سندھ سید مراد علی شاہ تون کراچی ٹی روس انا پوسکن آ قونصل جنرل آندر ے فیڈروف اوڑدہی کرینے، اوڑدہی ٹی ہڑتوم آ کنڈآتا تعلقداری آ گپ وتران کننگا۔ جاری اعلامیہ نا رداٹ وزیراعلیٰ سندھ پوسکن آ قونصل جنرل ءِ بخیر کرے۔ وزیراعلیٰ سندھ سید مراد علی شاہ پارے کہ سندھ حکومت نم تون ہرممکن کمک کیک۔ اعلامیہ ٹی مستی پاننگانے کہ روس انا فرم کراچی ٹی کچرہ غان بجلی جوڑ کننگ نا پروجیکٹ اٹ است خواہی تخک، وزیراعلیٰ سندھ روس انا کمپنی تے واٹر ٹریٹمنٹ پروجیکٹ آتیٹی ہم زرکاری نا بابت بریف کرے۔ روس انا قونصل جنرل روسی کمپنی تا سندھ انویسٹمنٹ ڈپارٹمنٹ تون دیوان اس کننگ آ امنا کرے۔ اوڑدہی ٹی وزیراعلیٰ سندھ انا پرنسپل سیکرٹری فیاض جتوئی و بلال میمن ئسک ہم داوخت آ ساڑی ئسر۔