اسلام آباد۔ 05 جولائی (اے پی پی) مالی سال 2022 اٹی فیڈرل بورڈ آف ریونیو (ایف بی آر) نا کنڈآن ریفنڈز انا ادائیگی تیٹی 33.3 درسد ودکی مسنے۔ ایف بی آر نا رپورٹ نا رداٹ مالی سال 2021 اٹی ریفنڈ آتا مد اٹی ایف بی آر 251 ارب روپئی نا ادائیگی کریسس ولے تدوک آ مالی سال 2022 اٹی ادائیگی تا کچ 335 ارب روپئی اسکان ودا۔ ہندا وڑ مالی سال 2021 نا مقابلہ ٹی مالی سال 2022 اٹی ایف بی آر نا ریفنڈز ادائیگی تیٹی 84 ارب روپئی یعنی 33 درسد آن زیات نا ودکی مسنے۔ رپورٹ نا رداٹ جون 2021 نا مقابلہ ٹی جون 2022 اٹی ریفنڈ آتا ادائیگی 43.8 درسد نا شرح نمو آن 27 ارب روپئی نا مقابلہ ٹی 39 ارب روپئی اسکان سرمس۔