اسلام آباد۔4جولائی (اے پی پی): بنجاھی وزیر اھوالکاری ءُ شنگ کاری مریم اونگزیب ءَ گوشت کہ گوستگیں چار سال سیاسی ھلاپ کنوک دروگ ءُ بھتام آنی سر ءَ کیس جوڑ کتگ ، سیاسی ھلاپ کنوک آناں سزا ئے موت ءِ کوٹی ءَ بند کتگ، نوں عمران کان ءِ نیمگ ءَ چہ یک انچیں بیان بازی ءِ کنگ بوھگ کہ حکومت ءِ اتحادی پارٹی وتی ھلاپ ءِ کیس آناں ھلاس کنگ ءِ واستہ نیب ءِ کانود آناں مٹ کنگ ءَ انت۔ عمران خان ءَ گوستگیں چار سال ءِ ساھت ءَ ھرچی بھتام بستگ ایشانی تہ ءَ آئی ءَ یک ءِ ثابت کت نہ کتگ۔ اے گپ آئی ءَ کابینہ ءِ دیوان ءَ چہ پد وزیر ءِ ھاٹیگ خرم دستگیر ، وزیر ءِ سرمایہ کاری چوہدری سالک حسین ءُ مشیر برائے کشمیر کار قمر الزامان کائرہ ءِ ھمبراہی ءَ مڈیا ءَ گوں بریفنگ دیان ءَ کت۔ بنجاھی کابینہ ءِ پیسلہ آنی بابت ءَ سرپدی دیان ءَ بنجاھی وزیر ءَ گوشت کہ کابینہ ءَ ھزانگ ڈویژن ءِ سپارش آنی رد ءَ سیکورٹیز اینڈ ایکسچینج کمیشن آف پاکستان ءِ واستہ کروحسین چوہدری اینڈ ایکسچینج کمیشن آف پاکستان ءِ واستہ کروحسین چوہدری اینڈ کمپنی ( Crowe Hussain and Co) ءَ را مالی سال 22-2021 ءِ ایکسٹرنل اڈیٹرز ءِ بستار ءَ پوسٹنگ ءِ منظوری داتگ۔
