اسلام آباد۔ 04 جولائی (اے پی پی) تدو ک آ مالی سال 2022نا اولیکو 10 تُو اٹی پیٹرولیم مصنوعات آتا جم قومی پیدوار اٹی 0.33 درسد ودکی مسنے۔ ادارہ شماریات پاکستان (پی بی ایس) نا حساب وکتاب نا رداٹ مالی سال 2021نا اولیکو دہ تُو انا مقابلہ ٹی تدوک آ مالی سال 2022 نا ہند اوخت اٹی پیٹرولیم، آئل اینڈ لبریکینٹس (پی او ایل) نا پیدوار اٹی 0.33 درسد شرح نمو مسنے۔ داوخت آ جیٹ فیول آئل نا پیدوار اٹی 27.41 درسد نا نمان ودکی ریکارڈ کننگانے۔ جولائی آن اپریل 2021-22اٹی گازلیٹ، ہائی سپیڈ ڈیزل، لبریکیٹنگ آئل، جیوٹ بیچنگ آئل، سولوینٹ ناپتھا و ایلو پیٹرولیم مصنوعات آتا قومی پیدوار اٹی بالترتیب 7.42 درسد، 0.69درسد، 11.73 درسد، 5.10درسد، 8.35 درسد و 9.85 درسد نا شرح نمو ریکارڈ کننگانے۔ ایلو کنڈآ فرنس آئل، ڈیزل آئل این او ایس، پیٹرول و ایل پی جی نا ملکی پیدوار اٹی بالترتیب 7.76درسد، 1.09 درسد، 1.24 درسد و 0.49درسد نا زرس کمتی واقع مسنے۔ پی بی ایس نا رداٹ اپریل 2021 نا مقابلہ ٹی اپریل 2022اٹی پی او ایل مصنوعات آتا پیدوار اٹی 4.37 درسد جم ودکی ریکارڈ کننگانے۔ یات سلے کہ مالی سال 2022نا بنائی دہ تُو اٹی بھلا صنعتی ادارہ غاتا بشخ (ایل ایس ایم ) نا شرح شونداری 6.7 درسد اسکان ودا۔
