اسلام آباد۔3جولائی (اے پی پی): مزن وزیر محمد شہباز شریف ءَ اسلام آباد ءَ چہ کوئٹہ ءَ روکیں بس ءِ واکیہ ءَ گران بھائیں جانی تاوان ءِ پد ءَ دلپدردی ءِ درشان کنان ءَ ٹپیگ آنی زوت جان سلامتی کمک ءِ پجاری ءِ پنت ءُ شون کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ ژوب ءِ نزیک ءَ اسلام آباد ءَ چہ کوئٹہ روکیں بس ءِ واکیہ ءَ چہ دلی اپسوزی ءُ رنج ءِ درشان کتگ۔ آئی ءَ واکیہ ءَ بیران بوتگیں مردم آنی سیاد ءُ وارس آں گوں دلپدردی ءِ درشان کنان ءَ گران قیمتی جانی تاوان ءِ پد ءَ جھلانکیں گم جتی ءِ درشان کتگ ءُ بیران بوھوکیں مردم آنی واستہ دعا ءِ نیک ءِ درشان کتگ۔ مزن وزیر ءَ واکیہ ءَ ٹپیگ بوتگیں مردم آنی زوت ءُ جوانیں طبی کمک پجاری ءِ پنت ءُ شون کنان ءَ گوشت کہ ٹپیگ بوتگیں مردم آنی علاج ءِ ھاترا اچ رنگیں موہ یل کنگ مہ بیت۔
