اسلام آباد۔3جولائی (اے پی پی):صدرمملکت ڈاکٹر عارف علوی ءَ نیشنل ہاوئی وے اتھارٹی ءِ مرتگیں مزد گر آنی جنوزام آناں مزوری دیگ بنجاھی محتسب ءِ حکم ءَ را برجا داران ءَ گوشت کہ نیشنل ہائی وے اتھارٹی ءِ مرتگیں مزور آنی جنوزام آناں مزن وزیر ءِ کمکی پیکیج ءِ چیر دستی ءَ گیش وھد زیان کنگ مہ بیت ءُ پوسٹنگ کنگ بہ بیت۔ یک شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشتگ کہ نیشنل ہائی وے اتھارٹی ءِ رپوٹ 30 روچ آنی اندر ءَ بنجاھی محتسب ءَ را جم کنائینگ ، اپسوزی انت کہ پنچ نابالگیں زھگ آنی اے ھاندان ءِ چار سال زیان بوتگ۔ صدر ءِ مملکت ءَ گوشت کہ جنوزام ءَ وتی لوگ واجہ ءِ بیرانی ءَ چہ یک سالے ءَ چہ پد مزوری ءِ واستہ دزبندی جم کتگ کہ ایشرا رد کنگ بوتگ۔ جنوزام ءَ انصاف ءِ واستہ بنجاھی محتسب ءِ کرا دزبندی جم کنائینتگ ایشرا نوکری دیگ ءِ حکم جاڑی کنگ بوتگ۔ بلے نیشنل ہاوے اتھارٹی ءَ بنجاھی محتسب ءِ پیسلہ ءِ ھلاپ ءَ اپیل جم کتگ صدر مملکت ءَ اپیل ءَ را رد کتگ ءُ جنوزام ءَ را نوکری دیگ ءِ پیسلہ ءَ را برجا داشتگ ءُ اتھارٹی ءَ گوں دزبندی کتگ کہ آئی ءَ را مزدگری ءِ واستہ آئی ءِ جواننگ کنگ بہ بیت۔
