لاہور ۔3جولائی (اے پی پی): مزن وزیر محمد شہباز شریف ءَ بند پاور پلانٹس زوت برجا کنگ ءِ حکم دیان ءَ لوڈ شیڈنگ ءِ وجہ آنی بابت ءَ رپوٹ گوانک جتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ توان ءِ لوڈ شیڈنگ ءُ ھاٹیگ ءِ ڈکال ءِ گر ءُ دار ءِ ھوالگ ءَ یک ارزشتی ایں دیوان ءِ لاہور ءَ برجم دارگ بوت۔ دیوان ءَ بنجاھی وزیر منصوبگ بندی احسن اقبال ، وزیر ءِ مملکت برائے پٹرولیم مصدق ملک ءَ بھر زوری کت وھدیکہ ب بنجاھی وزیر ھزانگ مفتاح اسماعیل، بنجاھی وزیر برائے ھاٹیگ انجینئر خرم دستگیر، بنجاھی وزیر اھوالکاری ءُ شنگ کاری مریم اورنگزیب، باسک راجی اسمبلی شاہد خاقان عباسی ءُ مزن وزیر ءِ ھاسیں کمکار برائے پبلک پالیسی/ اسٹریٹیجک کمیونیکیشنز فہد حسین ءَ ویڈیو لنک وسیلگ ءَ دیوان ءَ بھر زوری کت۔ اے موہ ءِ سر ءَ سیادی داروکیں ٹوھیں سرکاری اپسرگ ھم دیوان ءَ ساڑی اتنت۔
