مکہ مکرمہ۔3جولائی (اے پی پی): بنجاھی وزیر برائے نیک راھی کار ءُ نیک راھ آنی وت مہ وتی نزیکیں مفتی عبدالشکور ءَ گوشت کہ حکومت ءَ بنجاھی کابینہ ءِ نیمگ ءَ حاجی آنی واستہ جار جتگیں سبسڈی ءِ زر وزارت ءِ نیک راھی کار ءَ را پجاری کتگ انت۔ حاجی آنی وطن ءَ واپسی ءِ اے زر آناں اکاونٹس آناں ٹرانسفر کنگ بیت۔ یک شمبے ءِ روچ ءَ ادا پاکستان حج مشن مکہ مکرمہ ءَ یک دیوان ءِ سروکی ءَ کنگ ءَ ات۔ اے موہ ءِ سر ءَ وزارت ءِ نیک راھی کار ءِ کلانہ ایں سینیئر جوائنٹ سیکرٹری عالمگیر احمد خان، ڈی جی حج ابرار مرزا، ڈائریکٹر حج مکہ ساجد منظور اسدی ءُ ڈائریکٹر ایف اینڈ سی سید مشاہد حسین ءَ ھوار ایندگر کارندہ آں بھر زوری کت۔ وزیر ءِ نیک راھی کار ءَ را حج انتطامی آنی ھوالگ ءَ ڈائریکٹر جنرل حج ابرار احمد مرزا ءُ ڈائریکٹر حج مکہ ساجد منظور اسدی ءَ منیٰ، مزدلفہ ءُ عرفات ءَ ضج انتظامی آں ھوار پاکستانی حج کنوک آناں مکہ مکرمیہ ءُ مدینہ منورہ ءَ ریذیڈنٹ، وردن ءُ وراک آپ ، ءُ ٹرانسپورٹ ءِ آسراتی ءِ ھوالگ ءَ سرجمیں ب ریفنگ دات۔ اے موہ ءِ سر ءَ وزیر ءِ نیک راھی کار ءَ حج مشن مکہ ءِ انتظامی آناں لائک ءِ توسیپی نامینت ءُ گوشت کہ ما درستاں چہ پیسر گوشتگ کہ حاجی آنی ازمت ءُ حج انتظامی آنی ھوالگ ءَ اچ رنگیں سمجھوتہ کنگ نہ بیت۔
