اسلام آباد۔3جولائی (اے پی پی): پیسریگیں ڈپٹی سپیکر راجی اسمبلی فیصؒ کریم کنڈی ءَ منیجنگ ڈایریکٹر پاکستان بیت المال عامر فدا پراچہ ءَ گوں گند ءُ نند کت۔ خیبر پختونخوا ءِ بزگیں ءُ چورائیں مردم آنی کمک ءُ آسراتی ءِ واستہ ھمک رنگیں آسراتی پجاری ءِ ھوالگ ءَ چار ءُ بچار کنگ بوت۔ منیجنگ ڈایریکٹر پاکستان بیت المال عامر فدا پراچہ ءَ اے موہ ءِ سر ءَ گوشت کہ سرجمیں ملک ءَ بزگیں ءُ کودکیں مردم آنی آسراتی واستہ گامگیج چست کنگ مئے اولی کار آنی تہ ھوار انت۔ آئی ءَ گوشت کہ پاکستان بیت المال صوبہ خیبر پختونخواہ ءِ بزگیں ءُ چورائیں مردم آنی آسراتی ءُ آسودگی ءِ واستہ کوشست کنگ ءَ انت۔ پیسرگیں ڈپٹی اسپیکر فیصل کریم کنڈی ءَ ایم ڈی پاکستان بیت المال ءَ را سیٹ ءِ سر نندگ ءِ پد ءَ مبارک بات پشی کتگ ءُ امیت سہرا کت کہ آئی بے کساس السی ازمت کنت ءُ ادارگ ءَ را کامیاتیں پالیشی آنی بدولت ءَ سہرا کنت۔
