یک میاں اوستمانی کمپنی منچھر  گور  ءِ سپائی  ءِ کار ءَ کنگ ءِ واستہ   تیار انت،  بنجاھی وزیر برائے  موسمی مٹءُ بدلی شیری رحمان  ءِ سر وزیر سندھ ءَ گوں گند ءُ نند  ءُ تران

کراچی ۔2جولائی  (اے پی پی): بنجاھی وزیر برائے موسمی مٹ ءُ بدلی  سینیٹر شیری  رحمان ءَ گوشت کہ  یک میاں اوستمانی کمپنی ءِ منچھر  گور ءِ سپائی ءُ  لیاری  کور ءِ   گند ءُ گسٹ آنی کم کنگ ءِ واستہ کار کنگ ءَ تیار انت۔ سر وزیر  گس ءَ چہ جاڑی بوتگیں جار ءِ رد ءَ  اے ھیال آنی درشانی آئی ءَ    سر وزیر  سندھ ءَ گوں گند ءُ نند ءَ  تران کنان ءَ کت۔ دیوان ءَ صوبائی وزیر ءِ جنگلات تیمور ٹالپر، سیکریٹری فاریسٹ   بدر جمیل میندھرو، سیکریٹری ماحولیات حسن اقبال  ھم ساڑی ات۔  سر وزیر سندھ ءَ گوں  تران کنان ءَ   آئی ءَ گوشت کہ   ماھیگ  آناں جوانیں  آپ ءُ  موسم ءِ   پجاری ءِ واستہ ٹھٹہ، سجاول ، بدین ءُ کراچی ءِ واستہ سکیمز جوڑ کنگ ءَ آں، اے  اسکیم  آنی سر ءَ  2  بلین  کلدار ءِ ھرچ ءُ درچ کئیت، ایش مارا  بنجاھی فنڈز  ءَ چہ دیگ بیت۔  سر وزیر  سندھ ءَ گوشت کہ مھچھر  گورم ءِ سپائی ماہی کش آنی روزگار ءِ تہءَ  گیشی کار ائیت، ءُ  آپ ءَ را کارمرز کنگ بوت کنت۔  بنجاھی وزیر شیری رحمان ءَ گوشت کہ سندھ حکومت منچھر  گورم ءِ   اسکیم  ءَ را جوڑ بکنت  ءُ روان بہ دنت ما ایشی ءِ سر ءَ کار کناں۔