صدر مملکت ڈاکٹر عارف علویءِفیصل بینک ءَ فراڈ ءَ    چہ آماچیں بزرگ شہری ءَ را سرجمیں زر آنی واپس کنگ ءِ پنت ءُ شون

اسلام آباد۔2جولائی  (اے پی پی):صدر مملکت ڈاکٹرعارف علوی  ءَ فیصل بینک ءَ را فراڈ  ءَ چہ آماچیں  بزرگ شہری  ءَ را زر آنی واپس کنگ ءِپنت ءُ شون کت ، بینک فراڈ  ءَ چہ آماچیں  شہری آناں  3 لکھ 88  ہزار  ءِ  واپس نہ کنگ ءِ مٹ ءَ  11 لکھ  واپس  بکنت۔  شمبے ءِروچ ءَ صدارتی میڈیا ونگ ءَ  چہ جاڑی بوتگیں  بیان ءِ رد ءَ صدر  مملکت  ءَ گوشتکہ صدر  مملکت  ءَ بنجاھی  محتسب ءِ  پیسلہ ءِ ھلاپ ءَ   شرپ مندیں  شہری ءِ  دزبندی منظور کت، بینک ءِ  نیمگ ءَ      زر ءِ کست ءِ واپسی اے گپ ءِ  ثبوت انت کہ بینک  کسٹومر ءِسر ءَ سرجمیں دعویٰ درست ءُ جائز انت۔ بزرگ  شہری سرداسر ارشد محمود جلوانہءَ یک ناشناسیں   مردمے ءِکال   ءَ ، آئی ءَ  وتی  راز داتگ انت ءُ بینکنگ ڈیٹا  آنی دزئی بوھگ ءَ چہ 11 لکھ  کلدار ءَ  چہ زبھر بوتگ۔  کسٹومر  ءِ سکاست ءِ  درج کنگ ءِ  پد ءَ ایشرا 388100 کلدار واپس کنگ بوتگ۔ شہری ءِ  بازیں  گوشگ ءَ چہ پد    باقی زر آناں واپس  کنگ نہ بوھگءَ  بوتگ۔  شہری  ءَ بینکنگ  محتسب ءِ  پیسلہ  ءِ ھلاپ ءَ  صدر مملکت  ءِ گوما دزبندی  جم کتگ  بوتگ۔ صدر مملکت ءَ بینکنگ محتسب ءِ  حکمءَ را  رد کت ءُ  شرپ مندیں  شہری  ءِ دزبندی ءَ را منظور کت۔