ملک ءَ ایمنی ءُ سلامتی مئے شہید  آنی قربانی آنی منت وار انت،  شہید آنی  گس آناں ھمک رنگ ءَ چا رءُ گزار کناں،  بنجاھی وزیر  تہی کار  رانا ثناء اللہ  ءِ  پولیس  لائن ہیڈ کوار ٹرزءَ مراگش ءَ گوں  گشتانک

اسلام آباد۔2جولائی  (اے پی پی): بنجاھی وزیر تہی کار رانا ثنا ء اللہ ءَ گوشتکہ ملک ءَ ایمنی ءُ سلامتی مئے شہید آنی منت وار انت ۔  شہید آنی گس آناں ھمک رنگ ءَ  چار ءُ گزار کناں،  ملک ءَ ایمنی ءِ واستہ جان آنی قربان کنوک آناں  توسیپ ءُ ستا پیش کناں،  شہید آناں  تات نہ کنوکیں  راج  زندگ بوت نہ کن اَنت،  شہید آنی قربانی  راج  آنی کسمت   ءَ را مٹ کنت۔ گوستگیں دور ءُ باریگ ءَ پولیس  شہید آنی گس آناں پشت کپتگیں زر  آنی ادائیگی  ءِ تہ ءَ مھتلی کنگ بوتگ، ناشرکاری ءِ  ھلاپ ءَ جنگ َ 80 ہزار پاکستانی آں  وتی جان آناں قربان کتگ۔  12 ہزار ءَ چہ گیش سیکورٹی ادارگ آنی ورنا آں  وطن ءِ   رکھینگ   ءُ سلامتی ءِ واستہ  وتی جان آناں ندر کتگ۔ ناشرکاری ءِ   ھلاپ ءَ جنگ ءَ  مزنیں  معاشی تاوان چست کتگ، پٹرول  ءِ قیمت  آناں ودینگ ءِ پیسلہ  سک باز گران بوتگ،  اگاں ما گچین کاری کنگ  ءِ پیسلہ  بکت  انت  گڈا ملک ڈیفالٹ  ءِ  بیم  ءُ ترس بوتگ۔ گوستگیں حکومت   آں آئی ایم ایف  منوگری  ءِ سر ءَ  پد ءُ  رند ی  کنگ ءَ چہ   معاشی جاور  یک شلی ءَ  ھراب ءَ چہ ھراب تر بوتگ انت۔  گران بہائی ءَ چہ لس مردم  مشکل آنی بابت ءَ شر سرپد  انت۔ ملک ءُ  راج ءِ گہتری ءِ واستہ درستاناں یکجائی ءَ نندگی انت۔ ملکی دیمروئی  ءُ وشھالی  ءِ واستہ درستاناں یکجائیءَ کار کنگی انت۔   شمبے ءِ روچ ءَ  پولیس لائن ءَ شہید آنی ھاندان آں گوں  گشتانک دیان ءَ بنجاھی وزیر  تہی کار رانا ثناء اللہ  ءَ گوشت کہ  فرض ءِ پیلوئی ءَ ملک ءِ  ھاترا جان آناں ندر کنوک آں جام ءِ شہادت نوش کنوکیں  بامردم آنی شرپ ءُ ازت مئے درستانی سر ءَ پرز انت۔