اسلام آباد۔ 01 جولائی (اے پی پی) بنجائی وزیر حوالکاری و شینکاری مریم اورنگزیب نا کماشی ٹی سرکاری اشتہار آتا بشخنگ اٹ شفافیت ءِ پک کننگ کن بھلو فیصلہ کننگانے، باقاعدگی اٹ شینک مروک آ اخبار و جریدہ غاتے انصاف اٹ و شفاف وڑاٹ اشتہار جاری کننگک۔ حوالی نا رداٹ دا دیوان اٹی بنجائی سیکرٹری حوالکاری شاہیرہ شاہد، پرنسپل انفارمیشن آفیسر مبشر حسن تون اوار ایلو بڑزکو کمامدار آک ساڑی ئسر۔ دیوان اٹی فیصلہ کننگاکہ اشتہار آتا بشخنگ، اخبار و جریدہ غاتا شینک مننگ نا کچ ءِ ہُننگ کن ڈیجیٹل نظام اس اتنگک۔ دیوان ءِ اخبار و جریدہ غاتا شینک ءِ ہُننگ نا فہرست ’’اے بی سی ‘‘ نا بابت حوال تننگا۔ دیوان اٹی قومی و علاقائی اخبار و جریدہ غاتا اے بی سی نا بابت جوان ءُ پالیسی اس اختیار کننگ آ سجفنگا۔ اخبار آتا باقاعدگی اٹ شینک و کچ ءِ ہُننگ نا بابت امور آ سرجمی اٹ معلومدار کننگا۔ دیوان ءِ ’’سینٹرل میڈیا لسٹ‘‘ اٹی ساڑی اخبار و جریدہ غاتا سرجم آتیان ہم معلومدار کننگا۔ دیوان اٹی اصولی فیصلہ کننگاکہ باقاعدگی اٹ شینک مروک آ اخبار وجریدہ غاتے انصاف اٹ شفاف وڑاٹ اشتہار جاری کننگک۔ دیوان اٹی اشتہار بیرہ باقاعدگی اٹ شینک مروک آ اخبار و جریدہ غاتے ہی جاری کننگ نا فیصلہ کننگانے۔
