کورونا دین آن بچنگ کن حکومت گچین گام گیج آتے پک کننگ ءِ، عبدالقادر پٹیل

اسلام آباد۔ 01 جولائی (اے پی پی) بنجائی وزیر جان جوڑی عبدالقادر پٹیل پارینے کہ کورونا دین آن بچنگ کن حکومت گچین گام گیج آتے پک کننگ ءِ، الس کورونا دین آن بچنگ نا رکھی گام گیج اختیار کے۔ جمعہ نادے آ کورونا دین آن بچگنگ کن اہم کلہو اٹی اوپارے کہ کورونا دین آن بچنگ کن گچین گام گیج آتے پک کننگ اُن، کورونا دین اتون مون تننگ کن این سی او سی ٹی ہڑدے ئی بنداو آ دیوان مننگ ءِ۔ اوپارے کہ کورونا دین انا حالیت اٹ سخت چاروکی کننگ انگ ءِ، الس کورونا دین آن بچنگ نا رکھی گام گیج اختیار کے۔ راجی فاصلہ غاتے پک کے۔ اوپارے کہ بھلا عئید اٹی ماسک  ءِ کاریم اٹ اتے، زیات رش والا جاگہ غاتیا ہِننگ آن پاناد کے۔ اوپارے کہ کورونا دین آن بچنگ کن و ویکسی نیشن و بوسٹر ڈوز خلفر۔ اوعالم دین تیان خواست کرے کہ مسیت آتیٹی راجی فاصلہ ءِ ہم پک کیر۔ اوپارے کہ تکنیکی چاہندار آتا سلاہ نا رداٹ عئید اٹی اسہ ایلو تون ملنگ و دوملفنگ آن پاناد کیر۔