اسلام آباد۔ 01 جولائی (اے پی پی) پاک فضائیہ نا نائب سروک ایئرمارشل محمد زاہد محمود پارینے کہ ننا سلہہ بند فوج علاقائی سالمیت و قومی وتواجہی نا دفاع کن ہروخت تیار ءِ۔ او جمعہ نادے آ نیشنل ڈیفنس یونیورسٹی نا کورس انا بشخ ہلوک آتیان تران کریکہ۔ ترجمان پاک فضائیہ نا رداٹ ہروک ساڑی مروک آتیان تران اٹی نائب سروک پاک فضائیہ نیشنل ڈیفنس یونیورسٹی ٹی تروک آ تعلیم و تربیت نا آب انا ستاءِ کرے۔ سلامتی نا ساڑی آ چیلنج و تیکنیکی جدت آ ہیت کرسا نائب سروک پاک فضائیہ پاکستانی سلہہ بند فوج انا جنگی لائخی تیا پت انا درشانی ءِ کرے۔ اوداہیت آ زور شاغا کہ ننا سلہہ بند فوج علاقائی سالمیت و قومی وتواجہی نا دفاع کن ہروخت تیار ءِ۔ مہمان خاص پارے کہ پاک فضائیہ ملک انا برخلاف ہرجارحیت و ناپاک ارادہ نا وخت آ ورندی ءِ تننگ نا پبی لائخی تخک ۔ اوکان پد ، نائب سروک پاک فضائیہ ایئرمارشل محمد زاہد محمود کورس انا بشخ ہلوک آتون ہم گپ وتران کرے۔
