اسلام آباد۔ 01 جولائی (اے پی پی) صدر مملکت ڈاکٹر عارف علوی ءِ چندی ملک آتا پاکستان کن پندار سفیر آک ایوان صدر اٹی سفارتی سند پیش کریر۔ ایوان صدر نا پریس ونگ آن جاری بیان نا رداٹ جمعہ نادے آ پاکستان اٹی پندار امریکی سفیر ڈونلڈ آرمِن بلوم، ترکیہ نا پندار سفیر ڈاکٹر محمت پاچاجی، آسٹریلیا نا پندار سفیر نیل ہاکنز ، یورپین یونین ڈل انا پندار سفیر ریناکیونکا، سوڈان ناپندار سفیر صالح محمود احمد محمد صدیق و بھوٹان نا پندار غیر مقیم سفیر رنچین کیو اینٹسل صدر مملکت ڈاکٹر عارف علوی ءِ تینا سفارتی سند آتے پیش کریر۔
