اسلام آباد۔30جون (اے پی پی): ملک مستر ڈاکٹر عارف علوی ءَ ہِز ہائی نیس آغا خان ءَ را اسماعیلی کمیونٹی ءِ امامت ءِ 65 سال سرجم بوہگ ءَ مراد بات داتگ۔ ایوان صدر ءِ پریس ونگءَ چہ پنچ شمبے ءِ روچءَ جاری بیان ءِ ردءَ ملک مستر ءَ اسماعیلی کمیونٹی ءِ راہشون آغا خا ن ءِ نام ءَ نمدی ءِ تہا گشتگ کہ شمئے جوانیں سروکی ءَ آغا خان ڈویلپمنٹ نیٹ ورک پاکستان ءِ سماجی ء ُ معاشی دیمروئی ءَ حاسیں کرد پیلو کنگءَ اِنت۔ آئی ءَ گشتگ کہ آغا خان ڈو یلپمنٹ نیٹ ورک ءَ اُلسی ازمت ء ُ پلاحی گہبود ءِ پڑءَ بے مٹیں ازمت دا تگ۔ ملک مسترءَ گشتگ کہ من ء ُ پاکستانی اُلس نیزوریں تبکانی پلاح ء ُ گہبود کنگءِ ھاترءَ تئی نیمگءَ چہ کتگیں کوشستانی منت وار اَنت۔ ملک مستر ڈاکٹر عارف علوی ءَ گشتگ کہ منی دعا اِنت کہ اللہ تعالیٰ شمارا مردمانی گیش ازمت کنگ ءِ حوصلہ ء ُ توفیق بہ دنت۔
