اسلام آباد۔ 30 جون (اے پی پی) بنجائی وزیر خزانہ و محصولات مفتاح اسماعیل پارینے کہ پاکستان سنگت ملک آتون ہڑتوم آ کنڈآتا تعلقداری تیٹی ودکی ءِ بھاز اہمیت تننگ ءِ۔ اوداہیت ءِ پاکستان اٹ جمہوریہ کرغزستان نا سفیر توتویوف اولن بیک آسان کولووچ تون اوڑدہی ٹی گپ وتران کرسا پارے۔ اوڑدہی ٹی پاکستان و جمہوریہ کرغزستان نا نیام اٹ تعلقداری نا چندی پلو آتا سرجمی اٹ جاچ ءِ ہلنگا، کرغزستان نا سفیر پارے کہ اونا ملک واپار، زرکاری و کاروبار نا کمک اٹ پاکستان تون تعلقداری تیٹی ودکی ٹی بھاز است خواہی تخنگ ءِ۔ وزیر خزانہ پارے کہ پاکستان سنگت ملک آتون ہڑتوم آکنڈآتا تعلقداری تیٹی ودکی ءِ بھاز اہمیت تننگ ءِ ۔ اوکرغز سفیر ءِ ملک اٹی زرکاری نا وارخواہی تیان ہم معلومدار کرے۔ وزیرخزانہ کرغز سفیر نا منت واری ءِ ہرفے و اودے چندی بشخ آتیٹی تعلقداری تے مون آ دننگ اٹ پورو کمکاری و مخ تفی نا باور کرفے۔
