اسلام آباد۔ 30 جون (اے پی پی) بنجائی وزیر دفاعی پیداوار محمد اسرار ترین سیکورٹی و دفاعی نمائش (سیڈک) اٹی بشخ ہلنگ کن سرکاری دورہ غا ترکیہ غا سرمس ہراڑے او تینا ترک ہم منصب تون اوڑدہی کرے۔ ترجمان وزارت دفاعی پیداوار نا رداٹ بنجائی وزیر دفاعی پیداوار محمد اسرار ترین ترکیہ نا دارالحکومت انقرہ ٹی 28 جون آن 30 جون 2022 اسکان اڈ ہلوک آ سیکورٹی و دفاعی نمائش اٹی بشخ ہلنگ کن انقرہ غا سرمس تو ترکیہ ٹی پاکستان نا سفیر سائرس سجاد قاضی، صدر سیڈیک ہلال اونال و انقرہ استقبالیہ کمیٹی نا باسک آک بالی پٹ آ اودے جم و جوش اٹ بخیر کریر۔ ترکیہ دفاع صنعت نا صدر اسماعیل دیمیر وزیر دفاعی پیدوار اسرار ترین تون سیکورٹی و دفاعی کانفرنس اٹی اوڑدہی کرے۔ اوکان گڈ وزیر نمائش نا بنائی دود اٹی بشخ ہلک۔ بنجائی وزیر دفاعی پیدوار محمد اسرار ترین دفاعی صنعت نا بابت ترکیہ ٹی چندی کمپنی تا کنڈآن خلوک آ اسٹال آتا دورہ ءِ ہم کرے۔

متعلقہ مضامینمصنف کی طرف سے مزید