اسلام آباد۔29جون (اے پی پی): بنجاھی وزیر ایٹماسپیئر ءِ مٹ ءُ بدلی سینیٹر شیری رحمان ءَ گوں متحدہ عرب امارات ءِ سفیر حماد عبید ابیراہیم سلیم الزیبی ءَ چار شمبے ءَ گند ءُ نند کت۔ گند ءُ نند ءَ بنجاھی وزیر ایٹماسپیئر ءِ مٹ ءُ بدلی سینٰٹر شیری رحمان ءَ دوئیں ملک آنی نیام ءَ وتی مہ وتی کار آنی ھوالگ ءَ ھیال ریچی کت ءُ آئی ءَ آیوکیں COP28 ءِ میزبانی ءِ سر ءَ ماراتی سفیر ءَ را مبارک بات دات۔ آئی ءَ گوشت کہ دوئیں ملک آنی ایٹماسپیئر ءِ ھوالگءَ وت مہ وتی تپاکی آناں برجا جوڑ کنگ ءِ ضلورت انت، ایٹماسپیئر ءِ سبب ءَ بازیں جیڈھ است۔ آئی ءَ گوشتکہ بنجاھی کابینہ ءَ نیشنل ہیزرڈ ویسٹ منیجمنٹ پالیسی 2022 ءِ منظوری دات۔ ماراتی سفیرءَ گوشت کہ ایٹماسپیئر ءِ مٹ ءُ بدلی سرجمیں پڑ ءَ را آماچ کنگءَ انت، پاکستان ءِ ایٹماسپیئر ءِ مٹ ءُ بدلی ءِھوالگ ءَ گامگیج دلبڈیں اَنت۔ دوئیں پریک آں دو نیمگی یکوئی آنی دیمروئی ءِ واستہ یکجائی ءَ کار کنگ ءِ ھوالگ ءَ تپاک ھم کت۔
