اسلام آباد۔29جون (اے پی پی): مزن وزیر شہباز شریف ءَ رش والا ایں ھند آنی تہ ءَ کورونا وائرس ءَ چہ رکھگ ءِ واستہ رکھینگیرھبند آنی پنت ءُشون کنانءَ گوشتکہ سرجمیں ویکسینیشن،بوسٹر ڈوز، ماسک ، سینیٹائزر ءِ کارمرزی ءُ یکءُ دگر ءَ گستا بہ نند اِت۔مزنیں ائیدءَ دلوت آنی منڈی، سور ءُ آروس ءُ پرائیویٹ گند ءُ نند ءَ ماسک ءُ سینیٹائزر ءِکارمرزی دل یکیمی جوڑکنگ بہ بیت، کوویڈ-19 ءَ چہ وتی دوستیگیں مردم آنی جان آنی رکھینگ ءِ واستہ مارا درستاناں زمہ واری ءِ درشان کنگی اِنت۔ چیف سیرٹریز صوبگ آنی تہءَ ایس او پیز ءِ پد ءُ رند ءَ بکنائین ائیت۔ آئی ءَ اے ھیالانی درشانی چار شمبے ءَ ادا کورونا ءِ جاور ھال آنی ھوالگءَ چار ءُ تپاسی دیوان ءِ سروکی ءَ کنان ءَکت۔ دیوان ءَ بنجاھی وزیر عبدالقادر پٹیل، رانا ثناء اللہ،شیری رحمن ، چیئرمین این ڈی ایم اے سیکرٹری اھوالکاری،سیکرٹری نیشنل ہیلتھ سروسز ءُ سیادی داروکیں اپسرگ آں بھر زوریکت۔دیوانءَ چاریں صوبگ،ازات کشمیر ءُ گلگت بلتستان ءِ سیف سیکرٹریز وڈیو لنکءِ وسیلگ ءَ بھر زوری کت۔
