کنگسٹن۔ 26اپریل (اے پی پی) پاکستان و ویسٹ انڈیز نا ٹیم تا نیام اٹ مسہ ٹیسٹ میچ آتیا تالان سیریز نا ارٹ میکو میچ 30 اپریل آن برج ٹاﺅن ، بارباڈوس اٹی بناءکیک۔ مسہ میچ آتا سیریز اٹی پاکستان ئِ ویسٹ انڈیز نا برخلاف 1-0 نا برتری دوئی ئِ، پاکستان ویسٹ انڈیز ٹیم ئِ اولیکو ٹیسٹ میچ اٹی 7وکٹ آتے اٹ شکست تسوسس۔ داکان مست پاکستان نا ٹیم ویسٹ انڈیز نا ٹیم ئِ چار ٹی ٹونٹی میچ آتا سیریز اٹی 3-1 اٹ شکست تس وخت اس کہ مسہ ون ڈے میچ آتا سیریز اٹی 2-1 اٹ شکست تسوسس۔ ہڑتوم آ ٹیم تا نیام اٹ ٹیسٹ سیریز نا مسٹ میکو و آخریکو ٹیسٹ میچ 10مئی آن بناءکیک۔
