اسلام آباد۔ 29جون (اے پی پی) وزیراعظم شہباز شریف پارینے کہ بنجائی کابینہ اوغان شاری تیکن ویزا نظام اٹی بدلی نا منظوری ءِ تسنے، ویزا نظام اٹی دا آسراتی نا مسخت ہڑتوم آ ملک آتے خڑک اتنگ، اوغان الس نا کمک ءِ کننگ و نیامی ایشیانا گیشتر ڈیہہ تون کاروبار و زرکاری ءِ اتنگ نا ءِ۔ چارشنبے نادے آ تینا ٹویٹ اٹی اوپارے کہ داسہ ننا سفارت خانہ اونا ساڑی شہریت نا بنداو آ اوفتا ویزا درخواست آتیا کارروائی کیک۔ اوغان ڈیور و ٹرانسپورٹرآتے 48 گھنٹہ نا تہہ ٹی اسہ سال اکن ملٹی پل ویزا ملک۔ وزیراعظم پارے کہ ویزا نظام اٹی دا آسراتی نا مسخت ہڑتوم آ ملک آتے خڑک اتنگ، اوغان الس نا کمک ءِ کننگ و نیامی ایشیانا گیشتر ڈیہہ تون کاروبار و زرکاری ءِ اتنگ نا ءِ۔ اوپارے کہ ای وزارت داخلہ ءِ پین آزاد ویزا پالیسی آ کاریم کننگ نا پارت کرینٹ۔
