حکومت نا فی الحال پیٹرولیم لیوی عائد کننگ نا ہچ ءُ ارادہ اس اف، بنجائی وزیر خزانہ و محصولات  مفتاح اسماعیل نا قومی اسمبلی ٹی ورندی

اسلام آباد۔ 29 جون (اے پی پی) بنجائی وزیر خزانہ و محصولات مفتاح اسماعیل پارینے کہ حکومت نا فی الحال پیٹرولیم لیوی عائد کننگ نا ہچ ءُ ارادہ اس اف۔ چارشنبے نادے آ قومی اسمبلی مالیاتی بل 2022ء ٹی ترمیم اٹی محسن داوڑ نا کنڈآن چست کروک ٹک انا ورندی ءِ ترسا وزیرخزانہ پارے کہ ترمیم ایوان نا کنڈآن حکومت ءِ 50 روپئی فی لیٹر پیٹرولیم لیوی عائد کننگ نا موکل ایتک ۔ اوپارے کہ دانا مطلب ءِ کہ حکومت اسہ روپئی آن ہلیس 50 روپئی اسکان پیٹرولیم لیوی عائد کننگ کیک۔ وزیر خزانہ پارے کہ فی الحال حکومت نا پیٹرولیم لیوی عائد کننگ نا ہچ ءُ ارادہ اس اف۔