اسلام آباد۔ 28 جون (اے پی پی) وزیراعظم شہباز شریف نا پارت آ جون ءِ بچفوک آ سی پی آر ٹریننگ مہم نا رجسٹریشن نا بناءِ کننگا وخت اس کہ وزیراعظم سٹریٹجک ریفارمز انا سروک سلمان صوفی مہم نا بشخ مننگ نا خواہندار منشا کار آتیا زور شاغانے کہ او 1166 آ کال کرسا تینے رجسٹر کرفر۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ سلمان صوفی پارے کہ ہمو بندغ آک ہرا مہالو آن سی پی آر اٹی کسبی تربیت یافتہ ءُ ، او منشاکار آتا تربیت کن رجسٹریشن کرفر، مہم اٹ بشخ ہلیر ، تربیت دوئی کیر، 10 پین مخلوق ءِ بنداوی سی پی آر نا ٹریننگ ایتر و انعام دوئی کیر۔ اوپارے کہ ٹریننگ نارجسٹریشن کن ہر وئی نا بندغ آک اہل مریرہ۔ اوورنا، زالبول، چناو بھلا وئی نا بندغ آتیا زور شاغا کہ او تینا رجسٹریشن ءِ کرفر۔ اوپارے کہ ایمرجنسی حالیت آتیٹی وخت آ سی پی آر آن انسان اسے نا جون ءِ بچفنگ مریک۔
