اسلام آباد۔ 28 جون (اے پی پی) حکومت بنجائی دارالحکومت اسلام آباد اٹی شاری تے سفری آسراتی فراوان کننگ کن عارضی بنداو تیا میٹرو بس چلیفنگ نا فیصلہ کرینے ، بھارہ کہو آن پمز و کورال آن پمز اسکان پانزدہ بس عارضی بنداو تیا اسہ اِر ادے اسکان چلیفنگک۔ سی ڈی اے میٹرو بس نا پروجیکٹ ڈائریکٹر قاضی عمر اے پی پی ءِ پارے کہ حکومت شاری تے ہلہلہ ئی بنداو تیا سفری آسراتی فراوان کننگ کن میٹرو بس چلیفنگ نا فیصلہ کرینے۔ میٹرو بس بھارہ کہو آن سری نگر ہائی وے آن ایکسپریس وے آن مرسا پمز اسکان کاہک و دا روٹ آ پنچ بس چلیفنگک وخت اس کہ کورال آن اسلام آباد ایکسپریس ہائی وے آ پمز اسکان دہ میٹروبس عارضی بنداو تیا چلیفنگے۔ دا میٹرو بس آتے اسہ اِرا دے اسکان بناکننگک۔ اوپارے کہ میٹرو بس ڈٹ اکن بجٹ اٹی بھلو زر اس جتا کننگانے ولے دا ڈٹ آ داسکان زرس وخت لگک ۔ دا ڈٹ اکن فزیبلٹی بروک آ شش تُو اسکان تیار مریک ولے حکومت شاری تے سفری آسراتی و گچینی کن عارضی بنداو تیا میٹرو بس چلیفنگ نا فیصلہ کرینے ہراڑآن ہڑدے اسلام آباد بروک آ شاری تے آسراتی دوبریک و او باسنی نا داموسم اٹ پرتعیش میٹرو بس اٹی سفر کننگ کیرہ ہرافتے ٹی اے سی نا آسراتی ساڑی مریک۔
