اسلام آباد۔ 28 جون (اے پی پی) نیشنل کمانڈ اینڈ آپریشن سینٹر نا سروک و بنجائی وزیر قومی جان جوڑی عبدالقادر پٹیل سندھ اٹی کورونا کیس آتیٹی ودکی آ گڑتی نا درشانی ءِ کرسا پارے کہ این سی اوسی نا ٹیم سندھ انا محکمہ جان جوڑی تون اواری اٹ کراچی ٹی کورونا دین آ کنٹرول کن مربوط حکمت عملی اس طے کے، کراچی ٹی کورونا کنٹرول کن صوبائی کہول آ حکمت عملی اس جوڑ کننگک۔ وزارت جان جوڑی آن جاری بیان نا رداٹ بنجائی وزیر پارے کہ سندھ خاص وڑاٹ کراچی ٹی کورونا کیس آتیٹی ودکی آ گڑتی ءِ۔ دا چرجوئی ٹی بنجائی وزیر این سی او سی ءِ سندھ محکمہ جان جوڑی تون رابطہ کننگ نا پارت کرینے۔ اوپارے کہ این سی او سی نا ٹیم سندھ انا محکمہ جان جوڑی تون اواری اٹ کراچی ٹی کنٹرول کن مربوط حکمت عملی اس طے کیک، خاص وڑاٹ کراچی ٹی کورونا کنٹرول کن صوبائی کہول آ حکمت عملی اس جوڑ کننگک۔ بنجائی وزیر پارے کہ کورونا کنٹرول کن ٹیسٹنگ و کنٹیکٹ ٹریسنگ ءِ ودفنگے۔ اوپارت کرے کہ کورونا ایس او پی تیا عملدرآمد کرفنگے و مچی والا جاگہ غاتیا ماسک ءِ کاریم اٹ اتفنگے۔
