اسلام آباد۔ 28 جون (اے پی پی) جہانی مالیاتی فنڈ (آئی ایم ایف) نا کنڈآن پاکستان ءِ اقتصادی و مالیاتی پالیسی تا دستاویز (ایم ای ایف پی ) دوئی مس اوکان پد پاکستان کن آئی ایم ایف نا پروگرام نابحالی نا کسر آوار مس۔ بنجائی وزیر خزانہ و محصولات مفتاح اسماعیل تینا ٹویٹ اٹی پارے کہ سے شنبے نا سہب اتون حکومت پاکستان ءِ اسیجائی ہفت می و ہشت می جاچ اکن اقتصادی و مالیاتی پالیسی تا دستاویز (ایم ای ایف پی) دوئی مس۔ دستاویز آتا جاری کننگ دا ہیت انا شاہدی ءِ کہ فریق آک پاکستان کن آئی ایم ایف پروگرام نا بحالی و ودکی کن تیار ءُ۔
