اسلام آباد۔ 28 جون (اے پی پی) پاکستان اردن اٹی مروک آ است ہسون واقعہ ٹی انسانی جان تا زیان آ است ہسونی نا درشانی ءِ کرینے۔ دفترخارجہ نا ترجمان سے شنبے نادے آداڑے جاری بیان اٹی پارے کہ پاکستان نا حکومت و الس اردن نا عقبہ بندرگاہ غا مروک آ است ہسون شکست اٹی نہادی جان تا زیان آ ہڑزخواہی و چندی بندغ آتا ٹھپی مننگ آ است ہسونی نا درشانی ءِ کینہ۔ ترجمان واقعہ ٹی زوال کروک آتا خاہوت تون ہمدردی نا درشانی ءِ کرے و ٹھپی مروک آتا زوت دراخ جوڑی کن دعا کرے۔ اوپارے کہ پاکستان ڈکھیائی نا داساہت اٹ برادر ملک انا الس و اردن نا حکومت تون سلوک ءِ۔ یات سلے کہ اردن نا بندرگاہ عقبہ غا گیس ٹینک آن زیاری گیس انا پیش تمنگ آن مرک آتا کچ ودسا 12 مسنے وخت اس کہ 260 بندغ ٹھپی ءُ۔
