اسلام آباد۔ 28جون (اے پی پی) مچ آ ملک اٹی 24 گھنٹہ ٹی 13 ہزار 759 کورونا ٹیسٹ کننگانے۔ سے شنبے نادے آ این آئی ایچ نا کنڈآن جاری کروک ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 13 ہزار 759 کورونا ٹیسٹ کننگانے ہرافتے آن 333 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 2.42 درسد ئسک۔ داکان بیدس داوخت آ کورونا دین آن 2 ناجوڑ زوال کریر وخت اس کہ 85 ناجوڑ آتا حالیت نازرک ءِ۔
