ملک اٹی جہاز، ریل گاڈی و پبلک ٹرانسپورٹ اٹ ماسک بیننگ ءِ المی گوندنگانے، این سی او سی

اسلام آباد۔ 27 جون (اے پی پی) نیشنل کمانڈ اینڈ آپریشن سینٹر ملک اٹی ودوک آ کورونا کیس آتا سوب ملک انا تہہ ٹی جہاز، ریل گاڈی و پبلک ٹرانسپورٹ اٹی ماسک بیننگ ءِ المی گوندانے۔ دوشنبے نادے آ این آئی ایچ اٹی نیشنل کمانڈ اینڈ آپریشن سینٹر نادیوان اٹی ملک انا گڑاس شار تیٹی کورونا دین انا کیس آتیٹی زرس ودکی ءِ ہرسا نیشنل کمانڈ اینڈ آپریشن سینٹر ملک انا تہہ ٹی جہاز، ریل گاڈی و پبلک ٹرانسپورٹ اٹی سفر اٹی ماسک بیننگ ءِ المی گوندانے۔ ہنداخاطرآن غٹ شاری تیان خواست ءِ کہ سفر اٹی ماسک ءِ ضرور کاریم اٹ اتیر تانکہ کوویڈ آن رکھ مننگ کے۔ این سی او سی نا رداٹ مردان اٹی کورونا مثبت کیس آتا کچ 2.44 درسد وخت اس کہ خیبرپختونخواٹی کورونا مثبت کیس آتا جم کچ 1.15 درسد ءِ۔ کراچی ٹی غٹ آن زیات مثبت کیس آتا کچ 22.65وخت اس کہ سندھ اٹی 6.17 درسد ءِ۔ پنجاب اٹی کورونا مثبت کیس آتا کچ 1.17 درسد ءِ۔