حکومت بھارتی  گامگیج آنی ھلاپ ءَ 5 اگست ءَ کشمیری آں گوں یکوئی ءِ درشان ءَ کنت، بنجاھی  وزیر اھوالکاری ءِ حریت پارٹی ءِ  سروک الطاف احمد بھٹ ءَ گوں تران

اسلام آباد۔26جون (اے پی پی): بنجاھی وزیر اھوالکاری ءُ شنگ کاری مریم اورنگزیب  ءَ گوشت کہ مسلم لیگ ن ءِ سروک نواز شریف ءُ مزن وزیر شہباز شریف  کشمیر کاز ءَ گوں جھلانکیں واھشت دار انت۔  دوئیں  سروک  ھمک فورم ءَ تحریک  آجوئی کشمیر ءِ سر ءَ  گپ کن اَنت۔ استیں حکومت  بھارتی گامگیج آنی ھلاپ ءَ 5 اگست  ءَ کشمیری آں گوں  یکوئی ءِ درشان ءَ کنت۔ اے ھیالانی درشانی آئی ءَ کلانہ ایں  حریت سروک  ءُ جموں  کشمیر سالویشن موومنٹ  ءِ چیئرمین الطاف  احمد بھٹ  ءَ گوں تران کنان ءَ کت آئی ءَ بنجاھی وزیر  اھوالکاری ءَ  گوں  آئی ءِ گس ءَ گند ءُ نند کت۔  آئی ءَ بنجاھی وزیر اھوالکاری ءَ را وزارت  ءِ اھوالکاری ءِ قلمدان ءِ گرگ ءِ پد ءَ پیش کت۔ اے موہ ءِ سر ءَ پیسریگیں میئر راولپنڈی سردار نسیم خان ءُ بنجاھی وزیر  اھوالکاری  ءِ  مات طاہرہ اورنگزیب  ھم ساڑی ات۔