لاہور۔26جون (اے پی پی): مزن وزیر محمد شہباز شریف ءَ ملک ءِ سٹریٹ کرائمز ءِ تہ ءَ گیشی ءِ سر ءَ نہ وشی ءِ درشان ءَ کنان ءَ پنت ءُ شون کت کہ سرجمیں ملک ءَ الس ءِ جان ءُ مال ءِ رکھینگ ءَ را دل یکیمی جوڑ کنگ بہ بیت، ناشرکاری ءِ ھلاپ ءَ بیانیہ ءِ سر ءَ سرجمیں راج تپاک اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءِ سروکی ءَ ایمنی ءِ ھوالگ ءَ لاہور ءَ ارزشتی ایں دیونا ءِ برجم بوت۔ مزن وزیر ءَ را ملک ءَ ایمنی ءِ تاجگیں جاور ھال آنی بابت ءَ سرپد کنگ بوت۔ دیوان ءَ صوبہ پنجاپ ءَ ایمنی ءُ ایمنی ءِجاور ھال آنی سر ءَ باست ءُ واست بوت۔ شہباز شریف ءَ سرجمیں ملک ءَ الس ءِ جان ءُ مال ءِ رکھینگ ءِ ھوالگ ءَ دل یکیمی ءِ جوڑ کنگ ءِ پنت ءُ شون کت۔
