اسلام آباد۔25جون (اے پی پی): ڈنمارک ءِ پارلیمنٹ ءَ علام اقبال ءِ سر ھال ءَ پٹ ءُ پول کنگ بوتگ۔ اے ھوالگ ءَ خرم الٰہی ءَ گوشتگ ، کہ “اقبال نوکیں بنی آدم ءِ جیڈھ آنی گیواری ءَ شوہاز کنت۔” آئی ءَ گوشت کہ اقبال ءِ شاعری ءِ ڈینش رجانک ءِ بنگیجی دیمدرائی ءِ واستہ ڈنمارک ءِ پارلیمنٹ ءَ برجم بوھوکیں کانفرنس ءَ ، واجہ سکندر صدیق-آزاد گرین ءِ سیاسی سروک ءُ ڈنمارک ءِ پارلیمنٹ ءِ باسک ءَ جتا جتائیں وطن ءَ گوں سیادی داروکیں مردم آناں وش اتک کت۔
ڈنمارک ءَ ایرانی سفارتخانہ ءِ کلچرل کونسلر واجہ جمشید فتحلین جد ءُ واجہ رضا صحبتی ءَ علامہ اقبال ءِ ایران ءَ گوں ستک ءُ یکیم آنی درشان کتگ ءُ ایش کہ ایران ءِ مردم علامہ اقبال ءَ را وتی دلاں گوں باز نزیک دار انت۔
ڈنماک ءَ جرمن سفارت خانہ ءِ کلچرل کونسلر مسٹر لاسے روڈ والڈ ءَ گوشت کہ اقبال ءُ جرمن آنی سیادی گوں یک ءُ دگر ءَالمی ءُ ضلورریگ اِنت۔ اقبال ءَ وتی پٹ ء پولی سال جرمنی ءَ گوازینتگ ءُ گوئٹے ءُ نطشے ءِ بے دروریں لبزانکی کار آنی توسیپ کتگ ایش کہ آئی شائری ءَ گندگ بنت۔
Syddansk Universitet ءِ پروفیسر Niels Christian Hvidt ءَ ایشی ءَ چہ پد “شاعری ءُ روحانیت” ءِ سر ءَ چمشانک دات، ایشی ءِ تہ ءَ علامہ اقبال ءِ اے کلوہ ءِ سر ءَ چمشانک دیگ بوت کہ 21 بیست ءُ یکمی کرن ءَ دگنیائے روحانی ھال تران بنی آدم ءِ واستہ چیا سک باز المی انت ءُ چتور میڈیکل سائنس ءَ ایشی ءِ سر ءَ جھلانکیں پٹ ءُ پول تیار کتگ۔
ڈاکٹر ہما خان ءَ کتاب’’Mennesket i IQBAL’s Poesi‘‘ ءِ رجانک ءِوتی سفر ءَ را شیئر کت۔ آئی ءَ گوشت کہ چیا آئی ءَ شاہزانتی ءُ علامہ اقبال ءَ جھلانکیں چار ءُ تپاسی گپتگ تانکہ آ یک بلدکاریں ڈاکٹر ءِ بوھگ ءِ گوما غالب ءُ اقبال ءَ را ڈنمارک ءِ مردماں گوں پجاروکی بکنائین ائیت۔ اقبال ءِ شائری ءَ بنی آدم آنی گوما دیم پہ دیمی کنوکیں پرشتگ آنی رجانک کتگیں کتاب ءِ ندکار خرم الٰہی ءَ اے گپ ءِ سر ءَ چمشانک دات کہ چتور اقبال ءَ پرشتگ آنی مقابلہ ءَ بنی آدم ءِ گوما گپ ءُ تران دگنیا ءِ دیم ءَ سہرا کتگ ءُ چتور بنی آدم ءَ را ھداوند ءَ نائب بوھگ ءِ رد ءَ اجبیں رنگ ءَ ساچست کتگ۔
ڈمارک ءَ پاکستانی سفیر ایچ ای۔احمد فاروق ءَ درستانی شگر ءُ منت گپت۔ ءُ اے رنگیں کوشست آناں دیم ءَ ودینگ ءِ ھوالگ ءَ زور پر دات ءُ گڈی دانک آنی تہ ءَ گوشت کہ اے رنگیں کوشست رودراتک ءُ روبرکت ءِ نیام ءَ یک پُلے ءِ نمونگ ءَ اَنت، اے رنگیں مراگش مدام بست ءُ بند کنگ بہ بنت۔
