اسلام آباد۔ 24 جون (اے پی پی) وزیراعظم شہباز شریف اینو( جمعہ نادے آ) گوادر نا دورہ ءِ کیک، دا دورہ گوادر نا شونداری و شونہالی آ خاص چکار نا وژن نا رداٹ ءِ۔ وزیراعظم آفس میڈیا ونگ آن جاری پریس ریلیز نا رداٹ وزیراعظم نا اسہ تُو انا گونڈ ءُ مد اسے ٹی گوادر نا دا ارٹ میکو دورہ ءِ۔ وزیراعظم گوادر اٹی ہندی ماہی گیر آتون اوڑدہی کیک۔ وزیراعظم انڈس ہسپتال و گوادر ڈویلپمنٹ اتھارٹی نا نیام اٹ جہانی آب انا ہسپتال نا بابت مفاہمت نا یات داشت آتیا دستخط نا سرپرستی ءِ ہم کیک۔وزیراعظم داوخت آ تران ہم کیک ۔ داکان بیدس وزیراعظم ءِ گوادر اٹی برجا شونداری ڈٹ بشمول گوادر انٹرنیشنل ایئر پورٹ ، پاور پروجیکٹ، انفراسٹرکچر آ سرجمی اٹ حوال تننگک۔ وزیراعظم ءِ امن و ایمنی نا حالیت آتیا ہم حوال تننگک۔ دورہ ٹی وزیراعظم میڈیا تون گپ وتران ہم کیک۔

متعلقہ مضامینمصنف کی طرف سے مزید