اسلام آباد۔ 24 جون (اے پی پی) پاکستان صنفی مساوات نا مون آ دننگ کن تینا عزم انا اسہ وار ولدا درشانی ءِ کرسا پارینے کہ نن تینا زالبول سفارت کار آتیا گمر کینہ۔ دفترخارجہ نا ترجمان جمعہ نادےآسفارتکاری ٹی زالبول آتا جہانی دےا نا وخت آ اسہ بیان اسے ٹی پارے کہ اینو نن سفارتکاری ٹی زالبول آتا جہانی دے ءِ اڈتننگ اُن و نن داوخت آ صنفی مساوات کن تینا عزم انا درشانی ءِ کینہ۔ ترجمان پارے کہ ننے تینا شاندار زالبول سفارتکار آتیا گمر ءِ ، ہرافک پاکستان نا وزیر خارجہ آن ہلیس سیکرٹری خارجہ و سفیر آتسکان چندی لائخی تتون گچین خذمت سرتسنو۔
