اسلام آباد۔ 24 جون (اے پی پی) بنجائی وزیر خزانہ و محصولات مفتاح اسماعیل وضاحت کرینے کہ غٹ صنعت آتیا 4 درسد نا سپر خراج عائد مریک ولے 13 صنعت آتیا 10 درسد نا کچ اٹ سپر خراج نا اطلاق مریک۔ جمعہ نادے آ تینا ٹویٹ اٹی وزیر خزانہ پارے کہ اسہ سال انا مد اکن غٹ بشخ آتیا 4 درسد سپرخراج نا اطلاق مریک ولے 13 مخصوص بشخ ہندن ءُ ہرافتیان پین 6 درسد (جم وڑاٹ 10 درسد )خراج عائد مریک۔ اوپارے کہ سپر خراج نا اطلاق آن پد 13صنعت آتیکن خراج آتا کچ 29 درسد آن ودسا 39 درسد مریک۔ اوپارے کہ سپرخراج نا اطلاق بجٹ نسخان ءِ توننگ کن کننگانے ہرا تدوک آ چار سال اٹی ریکارڈ کہول آ ئسک ۔
