اسلام آباد۔ 23 جون (اے پی پی) صدر مملکت ڈاکٹر عارف علوی پارینے کہ پاکستان و ترکی نا برادرانہ تعلقداری ہڑتوم آ ملک آتا الس نا است آتیٹی ءِ، ہڑتوم آ قومک اسیجائی راجی، دودوربیدگی و مذہبی قدر آ مبنی بے مٹ دوستانہ تعلقداری تا حامل ءُ۔ داخیال آتا درشانی ءِ او پاکستان اٹ ترکی نا دزکش مروک آ سفیر احسان مصطفیٰ یرداگل تون گپ وتران کرسا کرے ہرا پنچ شنبے نادے آ داڑے اوڑتون سپاروکی اوڑدہی کرے۔ داوخت آ صدر مملکت پارے کہ پاکستان و ترکی نا برادرانہ تعلقداری ہڑتوم آ ملک آتا الس نا است آتیٹی ءِ۔ ہڑتوم آ قومک اسیجائی راجی ، دودوربیدگی و مذہبی قدر آ مبنی بے مٹ دوستانہ تعلقداری تا حامل ءُ۔ اومیت ءِ کہ تین پہ تینی وڑاٹ فائدہ مند کثیر الجہتی تعلقداری آخبت اٹ ہم سوگو آن سوگو تر مریک۔ ترکی و پاکستان ایلو مسلم ملک آتون او آئی سی و اقوام متحدہ تون اوار چندی فورم تیا اسلاموفوبیا نا مقابلہ ءِ کریر۔ صدر مملکت پارے کہ اسیجائی کوشست آتا سوب آن اقوام متحدہ 15 مارچ اسلاموفوبیا تون مقابلہ ناجہانی دے اناوڑاٹ اڈتننگ نا پڑو کرے۔ اسلاموفوبیا مچ آ دنیا ٹی و خاص وڑاٹ بھارت اٹ ودنگ ءِ۔ ہندوستان اٹی غٹ مذہبی اقلیت، خاص وڑاٹ مسلمان تے بے خوف و خلیس ظلم و تشدد نا شست کننگ انگ ءِ۔ بھارت اٹ مسلمان تا اُرا و عبادت گاہ تے دڑفنگا۔ اوپارے کہ بھارت اٹ مسلمان تا مذہبی علامت و شخصیت آتا توہین ءِ کننگا۔ صدر مملکت جھیڑہ جموں و کشمیر آ ترکی نا کنڈآن پاکستان نا آخبتی مخ تفی نا منت واری ءِ ہرفے۔ ہڑتوم آ ملک آک قبرص، غیرکانودی بھارتی کوزہ گیری ٹی جموں و کشمیر و اقوام متحدہ نا اول سرآن ٹہیفنگ نا باندات آ اسہ وڑ خیال تخرہ۔ صدر مملکت دز کش مروک آ سفیر ءِ اسلام آباد اٹی تینا ملازمت نا مد انا پوروی آ مبارکبادی ہم تس۔ صدر مملکت پاک ترک ہڑتوم آ کنڈآتا تعلقداری تے پین سوگو کننگ اٹ سفیر نا ذاتی کڑد انا ہم ستاءِ کرے۔
