مچ آ ملک اٹی 24 گھنٹہ ٹی کورونا دین انا 268 کیس رپورٹ

اسلام آباد۔ 23 جون (اے پی پی) مچ آملک اٹی 24 گھنٹہ ٹی کورونا دین انا 268 کیس رپورٹ مس۔ پنچ شنبے نادے آ این آئی ایچ نا کنڈآن ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 12 ہزار 513 کورونا ٹیسٹ کننگانے ہرافتیان 268 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ کوروناٹیسٹ انا مثبت کچ 2.14 درسد ئسک۔ داکان بیدس داوخت آ کورونا دین آن اسہ ناجوڑ اس زوال کرے وخت اس کہ 75 ناجوڑ آتا حالیت نازرک ءِ۔